أيتخاصم الرجل مع أبويه ؟
قال : ولا مع نعليهما
وقال عالم آخر:
إثبات الحجة على والديك عقوق حتى وإن كنت على حق
بر الوالدين : أن تفعل كلّ ما يسعدهما دون أن يطلباه منك
انتبه..!
أن تجمّل منطقك مع الناس ولا
تكترث لمنطقك مع والديك.
انتكاسة!!
أن يكون كلامك مع الناس
أجمل من كلامك مع والديك
متى تعرف أنك كبرت؟
حين تبدأ بالخوف
على والديك أكثر من خوفك منهم
اليُتم نوعان!!
أصغر : وهو فقد ألوالدين
وأكبر : وهو فقدُ رضاهما
أطل النظر في وجه والديك فربما يأتي يوم
تغمض فيه عينيك لتتذكر ملامحهما
هم من جعلوك أميراً في صغرك
فاجعلهم ملوكاً عند كبرك
رب اغفر لي ولوالدي وللمؤمنين والمؤمنات يوم يقوم الحساب
ربي ارحمهما كما ربياني صغيرا.
للأسف الشديد تعثرت بقصة أدمت مدامعى لرجل على مشارف الستين من عمره ربى أولاده وانكب على حياته يربيهم ويعلمهم حتى بلغوا الجامعات وكان جزاؤه عقوقا بطعم الحنضل
إن حب الأبناء لأبيهم يمر من خلال الام
فيا معشر الزوجات والأمهات اتقين الله
فيمن يحترق لينير لكم ولأبنائه الطريق
فكتبت قصيدتى
بالعامية المصرية
قصة عقوق
من هنا بدأت حكايتى
وكات
نهايتى ف كلمتين
لما شوفت وردة حلوة
قولت
أجيب الدبلتين
يمكن يضحك ليا عمرى
بعد ذل المحرومين
أو ألاقى بسمة حلوة
تفرح القلب الحزين
أوبضمة أو بلمسه
أطفى أحزان السنين
هيا دى كانت بدايتى
وكات
نهايتى ف كلمتين
روحت أقول لامى وأبويا
هما طبعا مشتاقين
قالو كبرت يا زهر عمرى
فرحو فرح المهوسيين
طب قولولى خالى بالك
من معاشرة غدارين
نصحونى ده انتو برضو
كل نورى والعنين
خفت ألومكم تزعلو
وأزرع ف قلوبكم أنين
قولت أصبر يمكن أقدر
أربط الحبل المتين
وهيا برضو زى ما كانت
بدايتى
كات
نهايتى بكلمتين
جه كتابى ودق بابى
فرح كل الشمتانين
يا اخونا ده كنت عايز
أفرح أمى بخلفتين
واحدة واحدة عليا يمكن
أضيف لعيلتى وردتين
أمى قالتلى شد حيلك
عايزة أشيلك كام ولد
وأفرح بعوضك هوة ده
يبرد آهاتى والدمعتين
قولت طيب قوم ومالو
ما الدنيا لازم تمشى زين
وزي ماكانت دى بدايتى
كات
نهاية بكلمتين
لما جيت
اخترت وردة
من زهور البساتين
مرة واحدة بعد خلفة
اتحولت واتغيرت
وجابتلى بنت
طب ومالو ادلعى
واتبغددى بس الدلع
جانى بوجع
وشويه شويه جات بهية
خلفتلى كمان ولد
أمها كات تقعد تزغط بطة بلدى
وأبوها بقى شيخ البلد
قال ايه بقى المحروسة
بنته
رفعتله راسه بكام ولد
وبرضو زى ماكات بدايتى
كات نهايتى بكلمتين
وحبه حبه جابت ولد
وكمان ولد
قولت ف بالى يا واد
أسد
أهى هيا دى العزوة
وسند
معرفش انى بربى ف بيتى
قطيع دبابة
وكلبتين
وابتدت مأساة حياتى
والديابة المسعورين
وزى ماكانت دى بدايتى
كات
نهايتى بكلمتين
إنت مين؟!
قولى يا ديب !!
شكل ابنى بس ليه
ربيت حلاوتك من طفولتك
قولى جيبت المر ليه
مش هلومك أو هحاسبك
بس أعرف سببه ايه
وأقعد أسأل كل ديب
عملت ليه!! وجنايتى ايه ؟؟
هيا دى كانت جنايتى
انى جبت الدبلتين
وزى ماكانت دى بدايتى
كات نهايتى بكلمتين
وابتدت تسود عيشتى
وحزن عمرى
والحنين
جيت أعيط
لامتنى عينى
وبخلت عليا بدمعتين
لامتنى قالت كنت فين!!
لما كانو زى القطط
ومغمضين
كنت فين
لما كانو محتاجين
حنيتك ومودتك.
قولت اعمل ايه
ما انتى شايفة يا عينيا
اللى جاريلى من زمان
كنت بابنيلهم أمان
ولا عايزاهم يشوفو
مر عيشتى دول كمان
كنت بجرى واشتغل واروح لبيت
بعد لفى يومى كله
م الهم والشغل انتهيت
لاجل أقدر أعملهم
فى الجنة بيت
بس لما جيت
أخدهم جوا حضنى
قلت يا ريتنى
ما كنت. جيت
وزى ماكانت دى بدايتى كات نهايتى بكلمتين
وابتدى الجرح اللعين
حد يقولى دول ولادى
ولا مين ؟؟!!
وانتهت قصة سجين
عاش حياته مستكين
لاجل ما يربى البنين
وبدمه كان يروى
صباهم كالأسد
جوا العرين
بالله عليكم حد يقولى
فى شرع مين ؟؟؟
وحد يقوله هما
مين ؟؟؟
طب أنا مدبوح وزى الطير
عمال بيرقص صفى
دمه وتحسبه عمال
بيرقص م الفرح
بس فى الاصل
اتجرح
مش أى جرح
جرح ينهى أى فرح
وينهى قصة مر عيشته
لاجل ماتطرح جناينى
وبساتينى
آه يا مرى من عذابى ومن سنينى
ومن شمات الشمتانين
شيلت طين
بس أقولك كنت فاكر
دى نهايتى ف كلمتين
بس طلعت دى بدايتى
من جديد
قولت قوم يا واد واجمد
وخللى قلبك من حديد
خليك جدع
خليك شديد
يعنى ايه كنت بتزرع أرض بور
يعنى ايه تقعد تدور ع المايه وتدور وبور
وبعد كل شقاك وتعبك
تيجى مالحة
واتروت بيها الأراضى
وكنت راضى
وخضرت كام عود خضار
وفرحت بعيدانى
و شفت فيها جنتى
والأصل نار
ليه يا ابنى كنت عود مورد
بعد طرحه لاقيته
حنضل
كل طرحه يبقى مر
آخر مرار
بس من غير الفوايد
أصل غدره بان وزايد
قولت ياواد حكم العقل
ف شدايد
خليك محايد
وبلاش تكابر أو تعاند
شوف لك أرض تانية
وأزرع
لجل ما تحصد وتقلع
بس ف المرة دى خللى بالك
وانت بتنقى الأراضى
هاتها حلوة هاتها صافية
هاتفها نادية
ميكونش فيها كام خابور
حاجة تشرحلك حياتك وتدخل البهجة وسرور
حاجة تقدر تختم بيها عمرك بالحنان
من غير تكبر أو غرور
وخليك صبور
اوعى يوم تيجى يوم
وتزعلها
م اللى شوفته قبل منها
وخليك حنين
ماهو كل أصل العشرة
إن تكون هوين
يعنى حازم بس لين
يعنى تصبر وتسامح
وتعفى
ده المولى بجبروته
وبطشه
سمى نفسه الغفور
بقلم
د. محسن أبوالعلا
ليست هناك تعليقات:
إرسال تعليق