دا زمان لمبه وباجور جاز
وكلتين قمح وجلابية
جديده حياه سعيده وحرامي
الحكومة ماعليه أي ملام .
يعيش عيشة الفخفخه والبطن
شبعانه مبطرخه وأيده ملطَّخه
فى مال العوام.
والفقير من العِشا من غير
عَشَى بينام كَل ماكلشى
يكمل عشاه أحلام.
وإن حلم أحلامه شكله خوف
ورعب فزع كوابيس أوهام.
الجعِّر حَبس كبيره وقال
محمد نجيب كَتر قوى خيره
نفاه حدِّد مصيره أصل الجعِّر
كان كبير اللآم.
الجعِّر طردوا الملك وقال
مسلسلات جميله قوى وأحلى
كلام أفلام.
الحياة لشعبنا وكل الهنا لنا
وننتقل مليون خطوة كدا قدام.
إرفع راسك ياولَا لا عبد ولا سِيد
إنتهى دا الشعب كله هُمام.
أربع ثوانى الطاغوت نَفخ
وإنتفخ قال أنا ولا غيرى
له رأي فى أي كلام.
وِخَد بقى قراراته وياريته
حتى شاور مراته عقد الإيجار
توريث وأصحاب الأملاك
صعاليك أقذام.
توالت الأيام شيطانه قاله
إسقط ملوك العرب هوَّ فيه
غيرك دا أنت الفتى المقدام.
وقف الجعِّر أمام المرايه قال
أَيْوَه صحيح لِعبِت معايه أنا
زعيم العرب حتى بلاد الشام.
الجعِّر بَعَت الجيش اليمن قول
بَعزقُه فى ويلات لاناقه ولاجَمَل
ولاحتى فَرخ حَمام.
كل داهيه الجيش رماه بقى
قبرنا لاأم تقدر تقول ولدى ولاأب
واحد يعزيه والكل لابس لِجام.
دلوعة الغرب قالت ياسعدنا
النصر باين لنا سينا بقت ملكنا
والأمر تم فى سِت أيام.
مدن القناة مهدومه وعوائد
القناة معدومه والشعب جَعان
عِريان والابِس مِقطَّعَه هُدومه
وياما أوجاع وآلام.
مبانى وِزاراته مؤجَّره والحاله
متأخره وإزرعوا القطن إجبارى
أسرقه إدارى عارى ماالحاله
عندى سُخام.
أصلهم كانوا لعِّيبه أو شُويِّة عيال
حَبِّيبه سعاد وسلوى ونوسه على
إعتماد وميمي أحلام مع إلهام.
دول والجعِّر أولهم ذُمرة فساد
مين بقى ينصرهم والباطل
قضى رَبك عليه إعدام.
معانى بعض الكلمات.
حرامى الحكومة كل من يعمل فى الحكومة ويسرق مقدرات الشعب
الطاغوت .كل حاكم لا يفضل مصالح شعبه على غيره من الشعوب ولا يتصرف على قدر قوة بلده.
مجدى الدسوقى أحمد خطاب جمهورية مصر العربية . ٢٠٢٣/٩/٤
ليست هناك تعليقات:
إرسال تعليق