كان فيه فرن طين
بيعجنوا فيه العجين
واللي حولينا من جيرانا
عليه رايحين جاين
كانوا ديما
يوماتي متجمعين
كلهم عندنا موجودين
عيش فلاحي وبكاكين
وبرام الرز المتعمر
واللحم البلدي المتكمر
بالسمن البلدي حاشين
تاكل وتشبع تقول امين
حاجة طبعا من الفاخر
كنت بيها بتتفاخر
بين صاحبي بالجامعة
كانوا بياكلوا يدعولي
اكل يرب الجسم الهزيل
اكل فاتح للشهية
يفتح النفس المشتهية
بص النهاردة وشوف حالنا
انواع كتير جيبلهنا
من غير طعم وحتي لون
مهما اكلت منها مبتلزش
القلب الحزين
حاجة كده سد خانه
زي علاج جاي بيه من
الاجزخانة
بتاخد منه غصبن عنك
وبرده
للوجع مابيستكين
ماسك فينا مش عاوز
يلين
اصل كده مفيش
فايدة
وايه اللي جاي منه
بفايدة
مدام بقينا علاوي
وبنستنا بالساعات
رغيف العيش
اللي طالع من الطوابين
والله شئ صعب ومخزي
وكمان مهين
لما تشوف الكل
فيك بيتحكم ولك
يهين
بقلم عبد المنعم مرعي
ليست هناك تعليقات:
إرسال تعليق