/الأيام في عجالة/
ملي رابو اسناني ، ؤ
طاحو اضراس
ظهرت شلا امعان ، ؤ
زاد الإحساس
حطيت اعل خدي كف
يدي . الله حد الباس
خممت تخميمة ؤ اعطيتها
قيمة ؤ دورتها في
الراس
ألقيت الدنيا الفتانة
أيامها زربانة ، قطارها
اعل حظي داس
في اخيالي شفت الخبزة
هربانة ، اوراها تجري
ناس
و ناس ما جابت اخبار
كفاش اوصلها الكنز
الدار و هي غارق في
انعاس
ما تعبت ما حفرت ما
هزت فاس
يا راسي اشحال من
راس حامل اهموم
تحبس الأنفاس
بداخلو اكتمها ؤ صابر
ل اتقراص
ؤ انت يا قلبي همك فاق
لهموم بلا اقياس
ياك الخبزة خبرتنا اجميع
ؤ كلنا نشربو من كاس
اعلاش طرفها لكبير، به
فاز اللي ما بات اعليه
عساس
لك الله يا المحتاج ، يا
الضايع من الأساس
حقك ما خاب ،غير اصبر
لكل اعذاب ، ؤ انسى
الوسواس
غدا عند لحساب ، اتكون
أنت سيد الناس
عبدالمولى بوحنين
*المغرب*
ليست هناك تعليقات:
إرسال تعليق