حلمت ببنت اللقا راكبه سرج الجمل
هودج حنين ودفا والناس فرحانه وتهلل
تخبز رغيف م السنابل
وتفرح ويا حمام زاجل
لا حرب ولا بارود وقنابل
ولا جوع وعوزة وعلل
عشموني بنهار مشرق
اتاريني ف الهم بغرق
ميت ولا عايش مش مصدق
إزاي وانا مات جوايا الأمل
ولاد اللذينا قطعوا السرج
ودنيا هرج ومرج
وبقيت رغم شبابي كأني أعرج
والبنت م التوهة جالها شلل
فرقوا مابينا وسرق الطحين الغفر
قولت يا ناس قوتي قالوا راح تكفر
زي ما يكون الحب لوغريتم مشفر
وزي ما يكون الوجع لينا محوج ومعصفر
وللغلابة معمول عمل
ليست هناك تعليقات:
إرسال تعليق