الشاعر صبرى عبد الواحد الحساني
اللى فات عمره ما مات
مين قال اللى فات مات
اللى فات للقلب واجع
لسه بنعانى الأهات
وصوت انينى جوابا سامع
وجرحى لسه الوجع فيه
وكل ما يمشى الاقيه راجع
مين اللى قال اللى فات مات
قلبتوا علينا المواجع
اللى فات جرح عميق
قلقنى حتى فى المضاجع
عمرى ما نسيت لا عايز أنسى
جرح لسه لقلبى واجع
اللى فات عمره ماهيموت
طول ما الرضيع من أمه راصع
ليست هناك تعليقات:
إرسال تعليق