عن امنيتي فى السنه الجديده
الشاعر / عامر عبده عامر مصر
نفسي اشوفها
سنه غير كل السنين
سنه خاليه من الحروب
والصراخ والانين
تسودها المحبه
والسعاده والحنين
ما يكونش حد
في يوم حزين
***
نفسي اشوفها
ما يكونش فيها ولا يوم حداد
عشان شهيد
في اي دوله من البلاد
يتلغي فيها الموانع والحدود
بين الدول زي ايام الجدود
****
نفسي اشوفها
عروسه حلوه وخدودها حمراء
من غير اي لون
والطرحه بيضاء مفروشه في السما
ومظلله على كل نفس عايشه في الكون
****
نفسي اشوفها
بسمتها حلوه
وضحكتها عاليه
وشهورها غنوه
و موسيقى هاديه
في كل البلاد
والسعاده في قلوب العباد
******
نفسي اشوفها
ورده ناديه
اوراقها ناعمه
ناعمه وهاديه
سنه خاليه من الدمار
والشجر كل الشهور
فيه الثمار
ليست هناك تعليقات:
إرسال تعليق