/ملي رحلت لميمة/
كسري اغيابك ؤ اعلينا
طلي يا لميمة
طلي طلي اتشوفي
اش اوقع لهذا الخيمة
من يوم ما غبتي ؤ
ارحلتي لديك الدائمة
غابوا لحباب ، بعد ما
كانوا أطلو ديما
اتوحشناك . الدار ابلا
بيك ما أبقى لها قيمة
اشتقنا ل الراحة امعاك
ؤ جلستك ارزينة
اشتقنا ل اطعامك ؤ
الخبز من ديك اسليمة
نقصتنا نصائحك ، ؤ
احكايتك لقديمة
اشحال احتجنا لحنانك
ؤ عطفك اعلينا
كل شي اتبدل ، ؤ كل
شي اتغير فينا
أنا ؤ ديك الخيمة ، فين
خلتينا ابقينا
طلي طلي يا لميمة ؤ
من طيفك لا اتحرمينا
الله اكرمك ؤ رحمك يا
أطيب اميمة
ؤ اسكنك جنانو الدايمة
عبد المولى بوحنين
* المغرب *
ليست هناك تعليقات:
إرسال تعليق