=====
ليه الحب ف عرفك قاسي
ليه ساقياني المر ف كاسي
عاشق ليك ودايب دوب
وانت بتنكري ليه إحساسي
_______
لو هتعدي أمانه تهدي
بدي أشكي لك ناري ووجدي
وازرع ليك الشوق دا جناين
تقطفي منها قصايد وردي
________
عايز الملم كل جراحي
وافضل ليك عشان ترتاحي
والضم نجم السما واهديكي
عقد النور والهنا صباحي
________
ماانت الكون والقمر العالي
وانت شموس الصفا تحلالي
مهما تصدي انا فارد ودي
دا انت منايا وكل آمالي
_______
هارسم ليك الحب غناوي
واحكي لكل الكون دا حكاوي
لاجل عيونك هارمي شباكي
يمكن اصيدك أصل انا غاوي
=======
بقلمي سامح توكل أبوالسبح
ليست هناك تعليقات:
إرسال تعليق