*******
أنا في عز الوجع
بكتب عن المجهول
وابكي وأقول ياجدع
واعزف علي الأرغول
عايش بشوف البدع
والناس تتار ومغول
بضرب ياناس الودع
وبعلو صوتي بقول
ماشي أنا ف سكتي
مجروح بقول الله
دبح البشر مهجتي
وخسيس وصل لسماه
قالوا الطاعون انتشر
هيبيد ف خلق الله
الناس ضميرها انتحر
عاشوا الحياة مأساة
الدنيا فيها البشر
أعدادها في زيادة
والإقتصاد انضرب
رايحين على ابادة
مليار تلاتة أربعة
هتموت فدا السادة
نسيوا إن فيه ربنا
رزاق كما العادة
هاتوا التاريخ سجلوا
دي مؤامرة غربية
كل العدد دا يموت
كام دولة عربية
من ع الخريطة تزول
ماهي خطة دولية
والإقتصاد ينتعش
باي باي يا حرية
بتقاوحوا ليه يابشر
ماتموتوا من غير صوت
سنتين تلاتة أربعة
دا كفايه بقي ونموت
مساكين ولاد العرب
اللي في افريقيا
أما اللي في آسيا
خمس شعوب بتموت
قدام سياسة الخليج
كل المصالح تموت
ممنوع دخول البشر
إلا اللي يبقى كيوت
يعني الكلام بوضوح
لازم نفصل تابوت
أمر يكا مع بنتها
كتبت علينا نموت
بقلم أحمد سلاطين
ليست هناك تعليقات:
إرسال تعليق