حتى دازت أعوام.
مرة فرحان مرة مضيوم
مرة ناسي وخالق علام
هذآ حالنا مع هاذ البلية.
ترمي لكتاب ،تخرج تخدم.
تسدو البيبان. قلب تصيب
تعرف لعذاب ملي تتألم
تحارب حيتان بتفكير لبيب.
تبدا تعرف حر اللقمة.
يجيوك أحباب. اثيق وتسلم
تخرجو تنساو الحكرة والضيق
تولي (الدري ساب) وغدا تندم
توليو اتقداو الزطلة بالدقيق.
وتخرج رجل للطريق العوجة.
بنيان البزناس عالي وهشيش
والمبلي بالتخذير ما يليق صديق.
الخمر أنواع ومنها لحشيش
كتقتل فراسك... أمن وتيق
ودير حساب يوم القيامة.
مازال الحال مازال تتعلم
إلى في نيتك توعى وتفيق
يصفى المورال وتزيد تتقدم
إلى بغيتي تربح... تكود وعيق
لتصدمك قف. ذييك العلامة.
محمد بن الحسين واعراب
ليست هناك تعليقات:
إرسال تعليق