.....................قلم السيد بدر
حبي ليكى حب نادر
فى زماني زى المعجزة
حبي ليكى ماكنش عادى
يفرق كتير عن ده وده
اتولد على كف أيدي
فرحتي وكان لي عيدي
لكن بيني وبين نفسي
هياخد فرحتي غيرى
ورغم ده كله جوايا
برغم انك مع غيرى
عشان ده حب مش عادى
.......
فوق الوصف كان وصفك
محاله يوصفك غيرى
ورده وأرضها كفي
تدبل لو فى إيد غيرى
لابيدك ولا بإيديا
ولا ليكى ولا ليا
ورغم ده كله جوايا
فى حلمي بحلمك ليا
برغم إنك مع غيرى
ومش هاتكوني يوم ليا
بأكد حبي مش عادى
.....
أحن لنظره فى عنيكى
وبتشوق صدى صوتك
ألاقي نفسي انا جايلك
أنادي من ورا سورك
تصحي تبصي وتنادى
تقولي حلم وتعودى
حكاية حب مش عادى
اخدها وعاشها يوم غيرى
قطف ورده كانت ليا
وناسي طميها فى إيدي
ده مهما كنتى مع غيرى
هاكونلك ميه ترويكى
وهانسى إنك مع غيرى
حبي ليكى مش عادى
مافيش غيري يليق بيكي .. بقلم السيد بدر
ليست هناك تعليقات:
إرسال تعليق