****************
جميلة و يا لون سمرها
وكحيلة وسواد شعرها
وتشكي ما حد اسمعها
وحيرانة الليل ونهارها
شغلها دا بسهم عيونه
في هواه الحلو سكرها
ورماها في بحر غرامه
سهرانة مع ضي قمرها
وتموت في بعادك عنها
وحنين لحظةماهجرها
لفراقه دا هو إلا قتلها
الشوق بيزيد في نارها
من يوم سفرت ياغالي
الحزن ساكن في دارها
سالت دموعها في ليلها
وتتمنى لو طيفه زارها
نسيها وفي قلبها دايما
لا غيره هو إلا سحرها
لا سلام دا منه وصلها
لافي رسالة منه ذكرها
دا مكتوب عليها تقاسي
من العشق وهو قدرها
يا ريت كان قلبها خالي
والحب لا يوم دا أمرها
مجروحة وآه يا زماني
هيصفى لو لحظة جبرها
ودا السعد ما يدق بابها
ويغني عصفور شجرها
الكون هيحلى في قربك
لو عاد دي حبيبهانظرها
بقلم مصطفى الهنداوي
٢٨يوليو ٢٠٢٤
ليست هناك تعليقات:
إرسال تعليق