بقلمي
هدى عبده
___________
أرى بعينيك أشواق تناديني
وترميني بنظراتك
في بحر الشعر من تاني
وتجرفني بموجة شطك الحاني
واسيب نفسي لتيارها
ولا الومها
ولا امنعها
تاخدني بعيد عن الدنيا وافكارها
واستسلم وأنا غرقانة هيمانة
في بحر عينيك
ومشتاقة اكون كونك
واكون الرمش لعيونك
وأنا همسك
وانا عقلك مع جنونك
واتوه وياك
وتسكرني بنظراتك
وتحرقني بأنفاسك
يفوح عطرك ويملانى أنا نشوى
وتسكن قلبي وعيوني
وتشربني نغم حالم
م أنت سفينتي وشراعي
وباستغنى عن الكون بيك
ياليلي وأنت موالي
.ياعمرى أنت وسنيني
صديقي انت وحبيبي
وكل ماليا انا فى الكون
واطير وياك على جناحك
وقلبي جني مصباحك
تناديني البي نداك
انا روحك وملك أيديك
وأنت شهريار عصرى
وأنا ليك شهرزاد واحكي
واه م العشق واللوعة
وانام واصحى على رمشك
وتحضنى برمش عنيك
وادوب جواك كما السكر
تدوبنى بحنية
وتسكن قلبي وعينية
وتكتبني حروف في قصيدة
من شعرك
واكون في بحر شعرك حلم
وآه ياروحى من دا الحلم
أنا بأحلم
ياريت ياحبيبي يتحقق
وتنزل دمعة من عيني
على خدي
أفوق م الحلم
وأرجع تاني أتذكر
إنى ماشية فوق الأرض
_________
بقلمي
د. هدى عبده
ليست هناك تعليقات:
إرسال تعليق