قولى لينا ياربابة
عن وفاء الناس
على الغلابة
أول كلامى
أصل وأسلم
على رسول الغلابة
وأشد وتر الربابة
وأحكى حكاية
ناس غلابة
وتانى كلامى
كنت ماشى
ومعايا الربابة
وشفت ناس كتير
فى طريق المدافن
وشوية مشيوا الناس
وسابوا كلب
واقف حيران
ودموع كتيرة
من عينيه نازلة
وقربت منه حبة
وسألته ماذا بك
رد عليا وقال
اللى مات ده صحبى
أخويا وأبويا وإبنى
أناواقف علشان
أحفر وأطلعه
أندم عليه العمر كله
وهنا تعجبت الربابة
وغنت وقالت
عجبى
على وفاء الكلاب
وغدر الصحاب
واحد زمان
صاحب صحبه
أل صحبة علشان
لما يموت يمشى
من ورا منه
أتاريه صاحب مراته
من ورا منه
وغنى ياربه
على كلاب الوفاء
وإبكى على
أصحاب الندامة
وهنا وقفت الربابة
بقلمى عبدالمنعم عدلى
ليست هناك تعليقات:
إرسال تعليق