بقلم مبتدئ عادل الگرش
تعبير حر
نقطة إلى سطر
خودلك قلم وزمم فالدفتر
وزن الكلمة وبلا متشطر
وعنداك تنقز سطر
ايلا بغيتي تصفي الخواطر
المحبة بالخاطر
ماشي بضرب والجرح
ودعاوي والمجامر
فهمتي ازمر
وكيف تايقول المثل
لي حبّك ما بنا ليك قصر
ولي كرهك مابنا ليك قبر
وانا لا بغيتني نموت معاك
فالشدة وفالفرح
ويلا مبغيتنيش الما وشطابة تا لقاع لبحر هههه
نقطة الى السطر
وسطر سطر
ومالك كتميل وتمختر
وعليا كتعفر
عارفك مقزدر
وقلبك كحل
ومني كتسرق
وفظهري كتهدر
وهانيتون..
اللي مجابتو المحبة مايجي بالخاطر
نقطة الى السطر..✍🏻
03/07/2024
ليست هناك تعليقات:
إرسال تعليق