شدى عودك
ياربابه وعلمينا
من دنيا الوفاء
أول كلامى
أصلى على
من بعث لينا
رسولا للوفاء والتسامح
وتانى كلامى
أشد الوتر
ودموع الوتر
على الأرض تسيل
أخذت الربابه
ولفيت كتير
ودخلت دار مسنين
ووجدت عجوز
وكأنها تسكن
فى الطين
قلتلها هغنيلك
وأحكيلك كلام جميل
ردت عليا وقالت
إسمع إنت منى
وألفها حكاية للمساكين
فى أول كيانى
تزوجت راجل أمين
وخلفت ولد جميل
وسهرت الليالى والسنين
وكبر ولدى
وأصبح فى عليين
وأخر الكلام
رمانى فى دار مسنين
ياليتنى ربيت كلب
وأرضعته من صدرى
وسهرت عليه سنين
كان طمر فيه
وفاء السنين
آاه على الأيام
فى أخر العمر
ترميك فى
الجب الاعين
وهنا إنقطع
عود الربابه
من حزن أليم
وغدا سأعود
بعد ما
أجفف دموع الحزين
بقلمى عبدالمنعم عدلى
ليست هناك تعليقات:
إرسال تعليق