بقلم الشاعر طاهر فتحي
من ديوان أنين الروح
عدوك واقف ع الحدود
قلبه ليك غل وحسود
لكن يا بلدي وقت التحدى
تلاقي شعبك كله أسود
متخفيش يا بلادي كربة
متخفيش من أى غربة
من الشدائد راح تعدى
إنت قادرة على الصمود
هم دول ديما ولادك
ينسوا روحهم برضه عشانك
عامل كان ولا أفندى
شايلين سلاحهم ويا الجنود
مصر بلدي أرض حره
في جبين الكون دا غره
عشت مرفوعه يا بلدي
ضد جائر أو حقود
مصر بلدي نور عنينا
راح نعيش تبنى ايدينا
لو ف يوم بس تنادي
مش تلاقى غير اسود
عمر ما تركع ابدا بلادى
مهما زاد حقد الاعادى
حبك نبضى وفؤادي
هفضل ادعى ف السجود
تفضلى يا مصر حره
أغلى شيء ف الكون ودره
تحيا مصر تحيا بلادي
اسمك لحن للخلود
ليست هناك تعليقات:
إرسال تعليق