العطف والحنان علشان يبقى
موجود في حياتنا دلوقتي
لازم الاول يبقى فيها الامان
ودي حاجه لما نيجي ندور
عليها نلاقي احنا افتقدناها
من زمان
كانت الناس حنينه على بعض
مع ان العيشه كانت زمان على القد
وعمري ما كان حد حاسس انه
ضيق عليه المكان
يمكن عشان زمان كانت الناس
بتحب بعض وكان كل واحد
بيحب اخوه كمان
يبقى في زماننا ده لما نيجي
نتكلم عن العطف والحنان لازم
نقول على الدنيا السلام لان عمرنا
مكان ده حالنا ولا هو ده كان في
املنا اني كل واحد يقول يلا نفسي
ومش همه اذا كان اخوه جعان
اوحتى عايش في الدنيا
ومش حاسس بالامان
بقلم سيد السباعي شاعر
ليست هناك تعليقات:
إرسال تعليق