قصيدة (الأرشيف)….
كلمات أيمن البكري
كل واحد مننا جواه أرشيف كبير
مخبي فيه ذكريات وحاجات
وناس كتير
هتلاقي فيه أول دوسيه حبه القديم
أيام زمان لما كان شاب وسيم
دي أول بنت حبها
ودق ليها قلبه
عمل المستحيل عشانها
بس هي إل ماوقفتش جنبه
إنزل تحت شويه
هتلاقي إل باعه وإل خانه
وإل هده
وإل سابه في أصعب ظروف لوحده
وإل سقف وضحك ب أعلي صوته
وهو في عز جرحه
هتلاقي ضحكه
فيها معني لفرحه متتنسيش
بس لما الضحك خلص
الفرحه إترمت في الأرشيف
وصحاب ليه فيه ركنهم
هو إل بعد عنهم
هما إل شافوه أقل منهم
حسسوه إنه حاجه مالهاش لزمه
فرحوا لما شافوه في أزمه
أياً كان السبب
ف النهايه كان الأرشيف مكانهم
هتلاقي فيه ذكري ل أجمل سنين
أيام الطفوله واحنا لسه صغيرين
كانت أيام جميله معشتهاش
صوره حلوه ياخساره مشفتهاش
في الأرشيف ناس فارقت الحياه
كانوا معني الخير
والحب والمه وكل شئ جميل
راحوا وراح معاهم كل داه
هتلاقي فيه حاجات كتير نسيها
عمروا ما فكر يقلِّب فيها
يمكن عشان بتوجع
ويمكن عشان مش عايز ليها يرجع
الأخرس قال للأعمي
حلمت حلم مش فاهم ليه أي معني
هاقولهولك يمكن تعرف تفسيره
صدقتوني هي دي بقا الرساله
إننا بنصدق أي حاجه مهما سمعنا
سيرة الناس والغيبه والنميمه عشقنا
وخوضنا في أعراض الناس
والشيطان ضحك علينا
أطلقنا اللسان
وكلام ربنا نسينا
فيه ناس من كتر الفلوس
أرشيفها فاضي
مش هاممها مستقبل
ولا فارق معاها ماضي
بيبصوا للغلابه علي إنهم ضباب
إحنا الغلابه
مش عايزين منكم حاجه
بس علي الأقل عاملونا
ذي ما بتعاملوا الكلاب
إل بتربوها وتأكلوها وتدلعوها
ولا إحنا منستهلش حتي
نتعامل ذي الكلاب
يعني إيه أبقى مش لاقي لقمه
وحقي في إيديكم
مش عايزين تدهولي
وعشان تفضلوا إنتوا فوق
أفضل أنا تحت وتلغوا دوري
شئ عجيب وقانون غريب
وفى شرع مين
طيب العدل فين
ولا إحنا بقينا في زمن مخيف
والعدل ذيه ذي أي حاجه
……..إتركن في الارشيف
ليست هناك تعليقات:
إرسال تعليق