أنا مش ملاك
عمل مشترك
كلمات………..
أيمن البكرى……إيمان محمود
🤵 بعد ما توعدي
كل شويه تبعدي
وتقوليلى خلاص هنساك
غلط يمكن غلطتى
خليتك حياتى ودنيتي
ياخسارة حزنى ودمعتي
بتقولى
مش هقدر أكمل معاك
قبل ما تحسبيلي أخطائي
كنتى إفتكري حبى ووفائي
ومين فى الدنيا مببغلطش
وأنا مش ملاك
👸 فاكر إني فى بعدك كنت سعيده
وفتحت بعدك صفحه جديده
وقدرت بسهوله أنساك
ياما حسيت إنى وحيده
إخترت إنى أبقا بعيده
وحبك ليا كان حب إمتلاك
🤵 أنا كنت دايماً مشتاقلك
وبحس إنى محتاجلك
قسيتي عليا ليه قلبك
وبعتي حب سنين
أنا مش جأى أعاتبك
ولا عايز أكون جنبك
شايفه جرحي مش ذنبك
وقلبى بسببك إنتى حزين
👸 خليك بعيد أحسن ليا وليك
العتاب هيصحى جرح أنا نسيته
زمان كان قلبى شاريك
دلوقتى ندمان وبيقول ياريته
مابقتش أشوف حبي فى عنيك
وعمرى بعدك الحب ما لقيته
🤵👸 مين فينا الغلطان
والمفروض يكون ندمان
كل واحد فينا
بيعتب على التانى
أنا وإنت كنا
بايعين أحلامنا وأمالنا
ونتيجة إهمالنا
أنا وإنت الجانى
ليست هناك تعليقات:
إرسال تعليق