*********
بقلمي/ السيد عطاالله
في ناس كتير كدابين زفه
كبر دماغك يا ذوق و خفه
تعلمناها زمان واحنا باللفه
اخوك بشهامته كده معروف
صاحب يعمل البحر طحينه
يدبحك عادي بأبرد سكينه
يحقد عليك يغرقك بسفينة
صاحب ما يغيث ابدا ملهوف
صاحب يخليك تضرب كف بكف
لا تسمع منه كلمة خير و لا لطف
لو تقع بضيق ما يقف معك بصف
شوفت منه بلاوي و ياما تشوف
صاحب يصاحبك علشان مصالح
لو كنت عدو يقرب منك يتصالح
قليل الحياء و الوش بارد و كالح
ثعلب متخفي جوه فرو خروف
صاحب ما يطمر فيه الخير
لو يفارق كسر وراه ألف زير
مدعي الشهامه وهواه حقير
الصاحب الجدع يساوي ألوف
كلمات السيد عطاالله.
ليست هناك تعليقات:
إرسال تعليق