شُف قد إيه
من غيرك عايش وحداني
ولا بنسى هواك
لو كنت هتقدر تنساني
مقدرش أنساك
يا معلم قلبي إزاى يقدر
يتحدى البُعد
ليه جاى دلوقتي تقول هقدر
أنساك يا ملاك
حبيتك وانت بتبعدني
عن عينك ليه
دا زمان في الحب ما بتسبني
ونسهر لياليه
الشوق غلاب ما عملت حساب
يوم على بُعدك
ولا عارف إن الدنيا هتقسى
وراح نبكي عليه
صوتك من همسك وكلامك
يوحشني أوام
د النظرة في عودك وقوامك
خلتني ما انام
وعينك لو قالت يا وحشني
بتمنى أشوفك وتشوفني
أخدك فيها بين أحضان قلبي
في أمان وسلام
تايه في الحلم اللي بنيته
مش عارف ليه
ولا عارف فين اللي هويته
وحشتني عنيه
عذبني بحبه اللي رواني
أيام وسنين
كل العاشقين حاسين بيا
آه م اللي انا فيه
حبيته يا ناس حب حقيقي
وعشقت هواه
إن مات إحساسي في يوم ممكن
أقدر أنساه
مين غيره حبيب قالي بحبك
ولقتني بعيش
والقلب العاشق تفاصيله
بملامحه هواه
----------☆----------
من ديوان دموع الحب
بقلم الشاعر محمود فوده
ليست هناك تعليقات:
إرسال تعليق