عبدالله رجب ابوعدنان
اتكيفت مع الفقر
وبقينا خلاص اصحاب
عديت جبال الصبر
وغرقت ف العذاب
لا ف يوم طمعت ف منصب
ولا الشمس عن حد تحجب
ولا ابص لغيري واتعجب
والشعر عندي كما مركب
ينجي وقت الغرق
يطفي النار والحرق
وأغلى ما عندي كلمه صدق
واكره موت الكداب
أعتز بالجلابيه ولو كل الناس عليا
فيه رب كريم عالم ب اللي بيا
بيراضي كل الخلق وتبات مرضيه
اللي واكل فول زي اللي متعشي ب كباب
كتبت الشعر والفت دواوين
الخير والشر ف البني آدم مجتمعين
ليه توهم نفسك وتبات حزين
صلي ع الحبيب تلاقي الخير واقف ع الباب
ليست هناك تعليقات:
إرسال تعليق