ولكل خميس حكايه (٢)
بين سطورنا مواضيع
محتاااجه من الجميع
((حل ويكون سريع))
(السؤال)
مين سبب نوع الجنين
ولد أو بنت
الراجل ولا الست
قصيده للمناقشه والحوااار
(عايز واد)
------------
كان لما يشوفني
يحوشني م الحسد
ويرش بخوور
فى عيين أيتها حد
ولو لمح بصه
يقووم يشتم ويرد
ولو كحيت
يجيبلي علاج البرد
ولو شاورت
يجيبلي الفرح والسعد
ولو غبت ثانيه
يحس بالغربه والبعد
ولو وعدنى
ألقاه قبل ميعاد الوعد
موش عارفه
(ده راجل ولا ملاك)
*
والدنيااا لما تفرح
تفرح الناس فيها
ولما تزرغت
البشر يعرف معانيها
ولما تضحك
نرقص بقه !!! ونديها
(وعيشنا نحلم)
بحاجات الله يعطيها
(بزريه جميله)
تبقى ضهرنا ونتحما فيها
(نبصلها نشبع)
ونطلب من الله يراعيها
((والمال والبنون))
زينة الحياة الدنيا
وربنا لعبيده يهديها
* وبانت الرؤيه ولد وولد*
* وبانت الرؤيه ولد وولد*
وشهور الحبل الله يعديها
وأوامرالدكتور ؟؟؟؟؟؟
نوم بالسرير ولا حراك
*
والجنين بالبطن
يوم يساااوي سنين
آلام وأوجاع وأنين
(ومين يحس)
بالست الحامل مين؟؟
الناس تنام
والحامل ما تغمض عين
إن قالت آه
تنسمع فى الصدا آهين
وتفضل تعد وتعد
(خلاص فاضل شهرين)
وتروح للدكتور
ف الأسبوع مرتين
عايزه تطمن
على نفسها والجنين
(وجت ساعة الولاده)
يارب من عندك صحتين
واتاري الدكتور غلطان
* وخلفت بنتين*
* وولدت بنتين*
(إتقهر الراجل وراح معرفش فين)
كان متعشم فى ولد
كااان نفسه فى ولد
وأنا ست موش سباك
*
قولولي
وفهمونى
مين السبب فى خلف الأولاد
ومين مسؤل إن كان بنت وواد
(((ليه الرجاله تريد)))
وتنسى الله فعل ما أراد
إرحمني يارب ماليش سواك
------------
ألخال عصمت البيلي
ليست هناك تعليقات:
إرسال تعليق