متنسيش تقولي الحكاية
وسط البداية والنهاية
قولي كنا بنتواعد ونتلاقى
ونقول كلام مالوش معنى
مالوش طعم مش طالع من القلب
حتى النظرة من عيون حيرانة هربانة مليانة كدب
ده كان حالك مش حالي
مكنتيش بتردي على سؤالي
ولا حتى كنتي بتغني موالي
حتى جواباتك كانت مجرد حبر
لكن انا كنت بكتبها بحروف من تبر
بكل احساسي ومشاعري بتملى الكون بأبعاده
لكن انتي احساسك ومشاعرك متتعداش مجرد شبر
قولي حبنا كان وقت فراغ بتمليه
قولي نزوة قولي وهم كنا عايشين فيه
قولي الحقيقة متكدبيش
قولي اللي كان متغيريش
اختميه بيوم الفراق يوم من غير وداع
قولي مين اشترى ومين اللي باع
مين اللي خان ومين اللي ضاع
قولي الحقيقة متكدبيش.. متغيريش
دى باينة زي الشمس مش مجرد شعاع.
مصطفى عبد النبى
ليست هناك تعليقات:
إرسال تعليق