جات يمامه
بقلمي/ عبدالحميدالسماحي
جات يمامه على شباكنا
باضت بدل البيضه اتنين
حسرة قلبي لما فتحنا
سقطو وسقطت معاهم العين
شفت الأم بتدعي بعذابنا
خايف ربي من سد الدين
مين من النار راح يعتقنا
أنا مش قصدي أبكي ياعين
زيِك والله توهنا وروحنا
من غير قصد بيوتنا فين
كل اللى يهمنا أخرتنا
احنا فى الأخر مروحين
هى رسالة فى بيتنا وغيطنا
وآه من الظلم من القاسين
آه ياولادي حد يغتنا
مش عارقين رايحين على فين
هنفضل نبكي من مرارتنا
زي اليمامة دنيا ودين
شوية عقل تدور حكايتنا
هنقول قصتنا الناس سمعين
الفرحة تبقى فى لمتنا
مش عيب نقول احنا أسفين
خلي الطيبة هى رايتنا
هنشوف بكرة احلى الحلوين
اليمامه زيها زي طيبتنا
أصل وبراءة لكن مكسورين
شفت فيها عناد صرختنا
وأمتنا لجل ماتعلى مسلوقين
غرس وفيه كل جهودنا
مش هنبقى زي غراب البين
جات يمامه على شباكنا
بقلمي
د: عبدالحميد السماحي
مصر 🇪🇬 محافظة كفرالشيخ
ليست هناك تعليقات:
إرسال تعليق