عبدالفتاح عبد الرحمن والي
(...........المعادله............)
ملعون أبوك
يا دين لما تذل نفوس الغلابه
ملعون أبو ك
يا إللي ما تقدر الظروف وشايف
أللي مش عارف يعيش وسط الدبابه
ملعون أبوك
يا جهل لما تجيب القهر
وتلبس الحلوين توب الندامه
ملعون أبوك يا فقر
لما نتوه عن راحة البال
لما نتوه عن سكة السلامه
كداب يا اللي تقول الفلوس
مش كل حاجه
كداب يا إللي تبيع
في سوق الذوق حبة سماجه
وإللي يضحك عليك ويقولك
يا خال مستوره
دا الرسم أحلي من الصوره
ناس عايشه ومش عايشه ومش عارفه حاجه
ملعون أبوك يا إللي تصاحب كوم النداله
وإللي تعمل سعر للناس الخسيسه القلابه
تعيب علي الدنيا إن مالها أمان
وتعيب علي الزمن إنه كتير غدار وجبان
وتبرأ نفسك مع كل زنقه
آه يا ولاد الضغط عالي
شوفوا كدا هو أنا مريض عيان؟
ملعون ابوك يا الهراب من المسئوليه
تقول نفسي وإن شاء الله تخرب بعديه
ملعون أبوك يا شوال الفلوس
إللي علي رقاب الغلابه تدوس
إللي عامل علينا بيه
وعامل علي الموضه كيوت وننوس
ملعون أبوك يا الفلفل الحامي بالعيش الحاف
أكل الغلابه تشوف وشه من الحمرا تخاف
ملعون أبوك يا الميكب إللي يغير الوشوش
قال علشان تحلا يبقي لازم حبة رتوش
ملعون أبو البنطلون المقطع
والجيب إللي علي .........مرقع
ملعون أبو الموضه الغريبه
إللي جايبه لينا ميت مصيبه ومصيبه
ملعون أبو إللي ياكل من قوت الغلابه
إن كان جد ولا هلس ولا غنوه علي الربابه
ملعون أبو المسكنات والبرشام
مليون حبه يا سيدي لأجل ما أعرف أصحي وأنام
ملعون أبو المزاج والسجاير
نحرق شقانا بإيدنا ما كانش أبدا"دا رزق طاير
ملعون أبو المساعده والرياء
أبو الكرامه بيوزع علي الغلابه بسخاء
ملعون أبو الجار إللي ما يسأل عليك
وإن شاف في يوم ضحكتك قوام يعيب عليك
ملعون أبو الحمار إللي إتكبر عليك
وإللي خلي أرضك العطشانه تتروي بدموع عينيك
ملعون أبو السواد إللي إترسم قبل الأوان
والقلوب المتوششه إللي جابت لينا جنان
ملعون أبو المش لما الدود عل الوش بيلعب
أما أجي أأقول يا عين يا ليل القلب قوام من غناي يتعب
بقلمي..................
ليست هناك تعليقات:
إرسال تعليق