مجروح
عبدالله رجب ابوعدنان
مجروح والجرح بقاله سنين
صعب عليا جرحي ودموع العين
بضحك ف وشك
مش قصدي اغشك
ولا إني اهجر عشك
كل ما فيها إني بحاول اداري وجعي حبتين
شوفتك بتدبحي فيا
جبتي منين الاسيه
حتى قوله آه بقت عاديه
امال كلامك عن حبي راح فين
صدقتي لما قالو كل يوم بيعرف واحده
مع إن انتي ف قلبي ب مليون واحده
من امتا كانت مشاعري نحيتك بارده
ومن امتا كان ليا يا حبيبتي قلبين
اي حب قبلك كان مجرد نزوة
لكن جنابك الأهل والعزوة
ازاي تخرج من بين ضلوعي القسوة
وازاي نشمت فينا اللايمين
ف كل حته مشيتي فيها
صورتك ما بتفارقنيش
حياتي ف ايدك انهيها
لكن عليا ما تكذبيش
كلمه يا حبيبي الصبح تقوليها
كانت بتخليني أعيش
تديني قوه اواجة بيها المستحيل
لسه بتدوري ف قصايدي ها تلاقي ميه دليل
الحب عمره ما كان ضعف أو تقليل
سكه طويله تكمل بينا إحنا الاتنين
ليست هناك تعليقات:
إرسال تعليق