قصيدة : فين ضحكتي ..
تأليف م/يحيي المنياوي
فين ضحكتي ولا تاهت وسط الزحام ...
فين ضحكتي الي كانت بتفتح ببان ...
ببان مفتوحة على الضرفتين
ضحكة كانت بتبكي العنين ......
عنين شايفة الامل وطريق الامان
فين ضحكتي ولا تاهت وسط الزحام ..
ضحكة كانت بترسم طريق
جسور الامل والحب كان أكبر دليل ...
طريق لبكرة الجميل
يا دنيا ليه قلبتي الموازين .....
طيب ما احنا كنا عايشين
ضحكة كانت بتصحي الجنين ...
حتى الجنين فى بطن أمه كان بيضحك
عايز ينزل يشوف الحياة ....
بس ياخصارة والف ...اه
لوكان يعرف ......
كان يرجع لبطن امه يعيش سنين
كان يرجع تاني للظلام ...
اه منك يا دنيا ... اوهام
فين ضحكتي ..ولا تاهت وسط الزحام
ضحكة من القلب
حتى لو كان موجوع ....
حتى لو الجيب فاضي
ومتنا من الجوع ....
ضحكة صافية
ضحكة دافية ....
ضحكة كانت بتسهل الصعب
ضحكة كانت تفوت فى الحديد ..
كنا ايد عل ايد
ضحكة كانت بتصحي فينا الأمل البعيد
ضحكة رغم الشقى رغم التعب
رغم بعد الحنين .......
ضحكة كانت بتصحي اليقين
ضحكة كانت بتقتل شكوك....
و الأرض تضحك رغم الشقوق
رغم العطش والجوع ....
بتقول تعالى من غير رجوع
تعالى يا ابن النيل .....
يا ابن الاصول
يا ابن الحضارة عل مدى العصور ...
انا ارضك
ما انت ياما حمتني وحميت عرضك
خد من ضحكتي سنابل قمح
لأجل العيش والمعيشة .......
والله كانت اجمل عيشة
كان الخير كتير
الكل يأكل.. الكل من الفرح بيطير
حتى لون القمح يشبه عرق الجبين ....
ما احنا كنا عايشين
وشوفت كمان الشمس بتضحك
اه بتضحك
فرحانة ....
وهى لابسة ثوبها الذهبي الجميل
ضحكة عروسة فى الزفة......
بتلف فى البلد بلهفة
شعرها سايح نايح .......
ضحكتها بترسم اجمل ملامح
فعنيها مليون حكاية .....
ضحكة حب دفء عطاء احلام
اه منك يا دنيا أوهام .....
فين ضحكتي ..ولا تاهت وسط الزحام
ليست هناك تعليقات:
إرسال تعليق