ياناس
كفايه ياناس طالعين بمسيرات لابسين الكوفيه رافعين العلم وبصوت عالي جاينّلك بالملايين يافلسطين وكل واحد خد اللقطه ورٰوح بيته نشرها وقال انا صلاح الدين
لا مش ده ولايمكن تكون دي نصرة فلسطين إن كنتم مسلمين أو مسيحيين علينا كلنا أولا نرجع لله ننضف قلوبنا ونؤدي فرض ربنا ونخلى عندنا إيمان
لانأذي الجار ولا نجور ع الديار ولانسرق ونغش ف الميزان ولانرفع ف الاسعار ع المسكين والغلبان والكل في مكانه يشتغل بضمير وإتقان بما يرضي الرحمن عشان تعيش وتاكل حلال في حلال وتخلى عندك يقين إن الإله شايفك ورصدك في كل مكان وعيونك مقفوله عن الحرام وقلبك بالدنيا مش مليان
ساعتها ربك يفتح لك الابواب ويمدك بجود ماكانوش ف الحُسبان وتلاقي النصر معاك والإله وياك والملايكه سبقاك تفتح لك كل الابواب ساعتها يعود القدس وتتحرر فلسطين ونعيش في أمان
ابراهيم محمد آدم
ليست هناك تعليقات:
إرسال تعليق