اغنيه كلها بعنيها بصالي
محدش سايبني فحالي
كلها بعنيها بصالي
فكرنى عايش مبسوط
وانا من همى بموت
وفاضل من عمرى ليالي
كلها فى ضهرى بتجيب سيرتي
مع انى عايش معاهم بطيبتي
مشفوش منى غير جدعنتي
مشفوش منى الوش التانى
عمرى ما كنت صاحب مصلحتى
ولا مرة معاكو انا خدت راحتى
لى تسبونى لوحدى بجرحى
ولا عشان انا مش اناني
لازم اكون ياصحابي زيكو
علشان اعيش معاكو
لازم اجرح واكسر نفسكو
انا لازم ابعد وانساكو
هبدأ اصلى وادعى لربي
وهكون احسن منك ياصحابي
ربنا يهديك وتبقا زي
وانا بنفسي هداوى جروحى
سلام ومش محتاج حاجه منكو
الكيف من بعديكو بطلتو
وانا عايزكو تجيبو اخركو
مبقتش فارقه معايا روحى
ياما اديت وياما ضحيت
فلوس على حسكو ورميت
كل دة مطمرش فيكو
زعلان من نفسي انى وفيت
متقارنش الجدعنه برجولتك
دة الحريم يلا جابت اجلك
وعلى الكيوف خلصت ورثك
من دة كلو هتاخد اى
اللى تعاكسها اعتبرها اختك
عارف كلامى بيصدر مخك
اللى انت فيه دة مش هيدوملك
افهم كلامى واعمل بيه
عيش حياتك صح استريت
دة الصياعه كلها تخبيط
تحضر عاركه تعمل مشاركه
عامل ناصح وانت عبيط
فكك من الحال اللى انت فيه
اللي زيك محدش عيط عليه
لو فى ضيقه تتباع فى دقيقه
طالاما عمرك مش باقي عليه
سندك وضهرك ربنا
واللى هيكرمك ربنا
لو قعت هيوقفك
لو حزين هيسعدك
ملناش حد غير ربنا
الشاعر الغنائي صابـــــــــــــر شرف
ليست هناك تعليقات:
إرسال تعليق