عنوان النص
شتت روحى بالفرقه
وفردت ايدى لى لقاك
فتحت ابواب العشم
ضحكت على خطواتى
الماشه فى دروب رؤاك
وقالت لى عضى اصابعينك ندم
قت ليها لا والف لا
محال ندم فى حب روحيتى
حتى لو كان ريدى ليهو انهزم
عهدى القطعتو معاهو تب انا
واقفه فيهو واهو بطربنى النغم
البينى بينك سحابة شوق وغيم
هطال اتعطل معاهو اى فهم
لحظات صدقوا الكانت معاى
ح تظل جواى مجرى دم❤
بس سيوف الهجر جراحه
وفتقها عمرو مابتلم
بديناها المحبه وئام
وفى الاخر جيت قلبتها هم
عرفتك يامرافئ الشوق
دفقتو على وبديت احلم
كتبتك فى ضمير صدقى
عنوان للفرح وقلبى اتبسم
نسجتك شال لفحتو غطاى
بعد ماكنت دفاى صبحت عدم
شتت روحى بالفرقه
وشيبت وعبيت قليبى ألم
بعد ماكتبت لى فى راحة يدى
اولها همزة قطع سرت جواى كما البلسم
جيت جرحت اوردتى ونزفت
حنين وشجن واشواق بدل الدم
تعال امرق رويحتك منى ياتومى
كفانى خلاص من عذابك بيا اترحم
بعرف انت قادر تسويها
بس كيفن قلبى ابارح ريدك استسلم
بيك ضوت ايامى
وبعدك عمرى بفراقك ليل أظلم
واه ياروحى لو بالعلى تعلم
كنت سجدت لى ربك
وطلبت لى الموت لانو اكيد ارحم
💜💔💜
بقلمى ✍️
#مشاعر#
ليست هناك تعليقات:
إرسال تعليق