غنقولك باز!!!
بقلمي ابراهيم اللغافي
13-12-2023
شلا حرافي...فيك يا إبن آدم
شلا عيوب...فيا او فيك يا لفاهم
غنقولك باز...باز...
ب كومبلي تبان زاز
في اسواق تسرق لبزاطم
او اللي في الدرب حنزاز
ف أظهر غيرو شاتم
اللي من كل خبزة نباز
واكل او زايد ينتش
باز يا ناس باز...هذاك تنفخ محال يتفش
عينيه ك ديال الباز...يفيق عامر اعمش
وجهو ك يتبدل صباغتو تولي ب لكحل
يبان لوجه منور...كلامو وازن مطور
نحتارمو ايلا شفتو
ب سبابو عقلي تلفتو
شفت عرامت لحرافي
بن ادم ما هو كيف كيف
انا ابراهيم اللغافي
ما نعرف انتيف...ما نعرف اخطيف
كلامي ضد اشعيل لعوافي
لاش اخويا رزق لغير؟
ارجوع لله ابشار
نوض شوف ما ادير
لا تبقى مقابل لعبار
بلادنا اجميلة...راهي اجميلة
فيها يخضار اربيع
لبحر راقص ف الصيف
فكر تشري او تبيع
كون واعي او ضريف
خلي ضيوفنا يديوا لعبرة
خلي لعدا يلقيوا نظرة
لاش لحرفة الخاوية؟
يا ولد لبلاد...
شوف اللي خير او ساوية
كما داروا لعباد
ليست هناك تعليقات:
إرسال تعليق