نيولوك
******
كل ما اشتكيك لروحك
تقول عليا اني بشك
رغم اني بشوف بعيني
بتراوغني....وكتير تفك
وتقولي دي واحده..عادي
وتشمت فيا العوازل والاعادي
وزي فرقعلوز تنط
مقضيها سوسو ولولو
ليل ونهار عمال تعك
احنا نفضها دى سيرة
سبني بلاش عتاب وحيرة
روح وابعد انت عني
ده انت خليت عقلى شت
حقدر انسى وبرضه حقسى
واعملك فى قلبى 100 بلووك
وحعمل تجديد لنفسي
حاجة كده اسمها..
بيقولوا عليها..
نيولووووك.
مصطفى عبد النبى
ليست هناك تعليقات:
إرسال تعليق