بحال بحال
بحال ثلاثة وعشرين
بحال ربعة وعشرين
عام يشبه عام
السيبة بالعلالي وفالعين
غير الفوضى وزيد القدام
شحال من عام تمنينا
يضوى الحال. علينا
ويزول. الظلم والظلام
مازال النوبة فالإدارة
غير ولد فلان ومول شكارة
ولا دويتي دوز المسطارة
وسيم وحيم وشلا كلام
والمرا تنقز والطير
ولا دويتي تجاوبك حرية التعبير
لوح حوايجك أو تسطا أو طيح فبير
تربطنا وزادونا لجام
فينما. مشيتي غالية السومة
والعملة. مسكينة. مظيومة
ماتجيب لك حتى راس ثومة
غير الحريرة بننها بالعظام
ما فقدنا الأمل فربي كبير
كل عام نتمناو الخير
ويكون كلشي بيخير
نتمناو شي مرة شي عام
احيانا. الله نشوفو السيبة بالتشهير
والخضرة اغلى من الديسير
تشوف وتعيا وتحير
فينما حطيتي إيدك العافية بالعرام
عبد اللطيف ميصر 5 7 2023 المغرب
ليست هناك تعليقات:
إرسال تعليق