الاكاديمية العربية المغربية للشعر والأدب

المصطبه

هو فيه زي قاعدة المصطبة 

هي صحيح كانت من طين 

لكن فرشها قلوب طاهره

قلوب كلها إيمان وتقوي

ورضا بالمقسوم كمان 

لحد شاغل نفسه ببورصه

ولا حتي فلوس في بنك 

يقعد جدي وجدك 

وعمي وعمك 

ومنقد وبراد شاي وحكاوي 

ما تنتهيش

 كأنك فاتح صندوق غريب

وبطاطا سخنه وذره جوه النار 

وتشوف الدنيا مرسومه 

علي الوشوش منحوته 

بعرق السنين 

الكل يوقر الكبير

حتي لو كان الفرق بسيط

ما هي دي التربية والأصول 

ال الجميع اتربي عليه

فيه فرق  بينا وبينهم 

لا عاد فيه كبير ولا صغير

وأصبح الآن ال شايع بنا

أن  الأقارب هما العقارب 

وأن عمك ملوش حق عندك

أما خالك هو ال واكل حقك 

وميراث أمك ملكش فيه 

طلع جيل لا يعرف حاجه

لا يوقر عمه ولا خاله

ولا حتي أبوه ال هو من صلبه

رغم المفارش والحرير

ال هو عايش فيه 

ما هو أبوه  ال جاب له 

فون حديث ودخله نت سريع

وجامعه بالفلوس ونسي يعلمه

 المباديء والأصول 

عشان كده ضاعت حياتنا 

ولا عدنا عارفين إحنا مين 

يا رتها دامت كل المصاطب 

ال ربت وعلمت من غير مدارس 

 وكان همهم التربيه والأصول

أكرم كبشة