.......................................
أكتب وقول ياقلم مين فينا بات
مظلوم ومين فينا آلي ظلم
أكتب ووضح الصورة أد إيه دنيا
غرورة فيها قلوب كتيرة مكسورة
قتلها العشم
أكتب بصدق وأمانة عن أصحاب
الأيادي الشقيانة آلي بنوا وعمروا
وضحوا بكل غالي وللسواعد شمروا
هما دول أصحاب الهمم
أكتب وحاول توصف الحالة وقد
إيه الكتاف كانت حمالة لكتير من
الصعاب والعلل
كتاف اتحملت فوق الطاقة وللانصاف
والعدل كانت مشتاقة اتحملت حمل
الجبال ورضيت بالقليل والصبرطال
ياما قالت للأيام الصعبة هدي مالت
للريح لجل ما تعدي وكان أملها
الراحة لكن ياخسارة دنيا غدارة سفاحة
لكن ابدا ما ارتاحت وريحة الظلم
فاحت وهي صابرة فى ايام غابرة
فيها الاحلام البسيطة ياخلق ضاعت
أكتب كمان بكل دقة وإتقان يمكن
تقدر تحدد مين فينا كان قاسي
وبيهدد إن فواتير المرار لابد تتسدد
وإياك تنسى تكتب بين السطور عن
كتير من الأمور آلي صعب تتحدد
وتتعدد
ياترى هتقدر ياقلم ولا مرارةالحروف
هتحسسك بالخوف وحبرك هيجف
من شدة الألم؟؟؟
آه معلش وحياتي تعالى على نفسك
وعبر بالنيابة عن ذاتي واكتب كمان
عن خيانة المشاعر النببلة وقلة الحيلة
وظلم الإنسان للإنسان في كل زمان
وأي مكان
أوعدني يا قلم تسجل بكل صدق
وبأسلوب محترم قبل ما يفوت
الأوان وابقى أنا وأنت والكلام في
طي النسيان والعدم
...............................
همسات بقلم كريمة السيد
ليست هناك تعليقات:
إرسال تعليق