حدث بالفعل
وبدون دخول بالتفاصيل.
انا عشقت القلب من غير
ما اعرف اى شىء عنه
ولا اسمه ولا رسمه
.قول يمكن وبالصدفه
لانى كنت محتاج له
.مش للشىء نفسه
.إنما احتياج داخلى
انى يكون لى حد يفهمني.
حد يكون تفصيل
وقريب وغريب ومصادفه
ومن بره بيت الخيال
اللى بنيته جوايا لافكارى
.واحلامى وامنياتى
ومكنونى واسرارى
وكنت بدور للبيت
على سكان للانس
بس بشروط صعبه .
تكون ارواح صافيه
ونفوس شفافه
وعقول ناضجه
وقلوب حساسه
.ولما تعبت من الدوران
حول الهدف الصعب
.قولت ارسم بايدى
صوره كامله وانطقها
واعملها اسم وجسم
واشحنها بطاقة الروح
اللى بتمنى يكون فى
الساكن المختار
.يجوز اقبله برضايا
أو يكون فارس جسور
وقادر بالحيله أو عافيه
يغزو مملكة الخيال جوايا
ويسكنها ويروى ظمأى
لضيف وطيف وصاحب
وشريك بالنص
.وبالنص شرط اصعب
من الاول لان الشرك
لازم يكون بالحب
و بالود و بالعهد على
ألا يخون ولا يفارق
فى لحظة ضعف
أو غلط طارىء
أو مصلحه طائره ولسه
بشكل لحد الان بملامحه
ياترى هاتكمل الصوره
ولا هايطلع وهم زى السابق
محمد فوزى العليمى
ليست هناك تعليقات:
إرسال تعليق