اغنية (فرحة لقانا)
أدهم عبده مجلى
أدهم العوضى
★★★★★
آه يا غاليه يا حب غالى
عشته ما اعرفش الآنين
لما بافتكرك فى بالى
بالقى قلبى عليك حزين
ما افترقنا من سنين
واتنسى بينا الحنين
بس كان عايش فى قلبى
لما تتلاقى العينين
★*★*★*★
نفسى اشوفك او اقابلك
وأمسح الماضي اللى فات
يا اللى من بعدك و قبلك
ويل وجرح فى قلب مات
لو معاكى هأعيش حياه
و انسى جرحى و اى آه
لو اشوفك بس مره
هاحضنك كده من سكات
★*★*★*★
لما شفتك مرة تانيه
قلبى ما مصدق عيونى
يا اللى عشت معاكى دنيا
بعدها اتخلفت ظنونى
سيبنا للشك حياتنا
والعزول غير صفاتنا
لما قال وسمعنا ليه
هنت ليه وانتى تهونى
واتلاقينا يا سعد قلبى
بس مش هأقدر أخبى
شوقى ليكِ وانتِ جنبى
بعد ما بعدتى سنين
★*★*★*★
شفت فرحه ما شفتهاش
واللقى ده كان نصيب
زى إحساسك ما عاش
لسه مستنى الحبيب
وبلقانا نعيش فى فرح
ننسى أى بعاد و جرح
والسعادة هتبقى طرح
لما حزن زمان يغيب
ما اتلاقينا يا سعد قلبى
بس مش هأقدر أخبى
شوقى ليكِ وانتِ جنبى
بعد ما بعدتى سنين
آه يا غاليه يا حب غالى
عشته ما اعرفش الآنين
لما بافتكرك فى بالى
بألقى قلبى عليك حزين
★★★★★
أدهم عبده مجلى
(أدهم العوضى)
ليست هناك تعليقات:
إرسال تعليق