الاكاديمية العربية المغربية للشعر والأدب

هو ليه دايما نحب نزعل الناس ال بتحبنا ؟

بقلمي جمال القاضي 

أقولك 

طبعا شيء غريب ، لكنه حقيقة ، من طبع البشر انه دايما بيختبر مدى حب الناس ليه ،  دايما بيحب يشوف مدى الإهتمام ودرجته كام في الميه ، عايز يقارن دايما النتائج ال بيوصلها  

ويشوف هل الاهتمام نقصت نسبته ولا هيا هيا ولازادت ،  هو بالمقارنه بيشوف مدى حب الطرف التاني له ، لكن مع الأسف نسي شيء مهم وهو بيزعله انه كده مع كل زعل بيبعد خطوه في خطوه لحد مابيحس الطرف التاني انه فعلا الزعل ده تخطى حدود التحمل والضغط النفسي ، لان كل مرة بيزعل فيها بيجي على نفسه ويقول مش مهم بلاش ارد عليه يمكن يزعل ، لكن عدم الرد شيء مش كويس ، لأنه نوع من انواع السبية الشخصية ، وال معاها بتهدر كرامة الشخص شويه بشوية ، وفي نفس الوقت كمية الزعل  بتبدأ تاخد شكل تاني ، يعني بيظن الشخص ال فاكر انه بيختبر من يحب ان عنده قوة تحمل فبيزود الضغط النفسي شويه بشويه ،

هنا لما نسأل نفسنا ليه بنعمل كده مع أشخاص بنحبه ، الجواب المبرر في نظرهم انهم بيحبونا وهيتحملونا مهما عملنا معاهم ،وكأن الحب حق مقابل له واجب وهو تحمل زعلنا وتعصبنا عليهم  ،

دايما بنجور على غيرنا بقصد ومن غير قصد بحجة انهم بيتحملونا وبيحبونا ،الحب ممكن يضيع معاه كرامة طرف تاني ، لكن في هذه  الحالة  الكرامة دايما بيفضلها كل انسان مقارنة بحب الغير له او حبك لغيرك