#ومازال
..
..
مشروع لمرايقي
جار السقف للسما،
ساكت مقلز
عاطي الصبع من تحت
الجلابة،
يقول لزهر الغطاس
راك عطاش،
والبحر عامر، شبعان،
وكذاب هاد الوقت
حبالو طويلة،
تسرط الدموع
وتغوت حر جهدك،
يا سالبني،
الشطارة شكَّارة خاوية
فا الا ملِّتي!
يا نهَّاش اللاحلاحة!
من
بالع مخلل القرنيع!
كي تسرق الرقراق
طْوَايْعو،
تحسب شايفين
وين قفزنا وتْحَطِّينا
فوق رْوَايْعو،
جْلَس بين لْمَوَاضَع
وقْرَص مفتاح
السواقي
يا بَنَّاقص من سوايعو،
ريحتك عطاتو
قَرْقَفّان!
كارهك الغادي قبل البادي
وصفايعو،
عاودنا الدقايق
وسفِّينا دخان وراق
الماضي
بخريفو و رْبَايْعو،
حبال الود
للدواير غالبة
ومازال،
تَتْوَحَّش البلاد الضَّاوية
تَتْوَحَّش الزّاهي
وراحة صنايعو،
..
..
#ضاحكةـياـليام
بقلم:حميد أهموش
ليست هناك تعليقات:
إرسال تعليق