حبك جابو لقدر
ومعاه ضيف لغرام
معاهم ديما نسهر
عايش أنا فهيام
تغيب فيك نفكر
ونعاسي تبان فمنام
وقلبي بنيتو لك أقصر
وأنا نسكن فخيام
فينك يا زين النضر
فينك يا زين المقام
توحشتك يا كحل لشعر
توحشتك يا حلو لكلام
تغيب نهار عندي شهر
ولاغبتي شهر عندي عام
ياك دوزنا عشرة أعمر
هانيين في انسجام
الطلة غير ضو افجر
معاها يهرب يزول ضلام
الوحش يعذب ويقهر
واش المغروم يتلام
نهار خيالك دربي اهجر
وأنا معاشر اوراق وقلام
ولحمام إل ربينا فالصغر
و لفناه داك لحمام
اليوم خوا العش ولوكر
وطار وعلا فالغمام
لا برية جات منك وسطر
بدلاتك الغربة ولا ليام
عبد اللطيف ميصر 5 7 2023 المغرب
ليست هناك تعليقات:
إرسال تعليق