🌿🌿🌿🌿🌿🌿
وين منلاقي السلام
🌿🌿🌿🌿🌿🌿
السلام عليكم
🌿🌿🌿🌿🌿🌿
إبنو لإبني عم يحاسبني
وين التسامح ؟وين منلاقي السلام؟
🌿🌿🌿
وبعدو سؤالو عم يعذبني
وعاجيلنا كل المآخذ والملام.
🌿🌿🌿
وعم يشتكي من عمر غالبني
وما قدرت حقق شيء من أحلام
🌿🌿🌿
رديت أوعا بعد تتعبني
عمري انقضى متل الحكايا والمنام
🌿🌿🌿
من يوم ما الله هون كَبّني
عايش حروب الكون والألآم
🌿🌿🌿
يا إبن إبني لا تطالبني
بحق ما أخدتو قبلك بأعوام
🌿🌿🌿
اتركني تإحكي ، لا تجاوبني
أصل البلا ، الأوغاد والظلَّام
🌿🌿🌿
وهيدا السبب ، وحدو معذبني
صهيون نَكَّد ، عيشنا ، طول الدوام
🌿🌿🌿
انشالله إلهي ما يكذبني
حتى السلام يعم ويعم الوئام
يا خالقي ، بشفاعة ابو القاسم اشملني
وحدو السلام المخلِّص آخر الأيام.
🌿🌿🌿🌿🌿🌿
كلمات : الحاج خليل محمد غريب.
ليست هناك تعليقات:
إرسال تعليق