🌿🌿🌿🌿🌿🌿
موجة جراثيم
🌿🌿🌿🌿🌿🌿
الاخلاق الحسنة
من واقع حياتنا
🌿🌿🌿🌿🌿🌿
موجة من الجراثيم ، واجتاحت بلدنا
الختيار طالوا الأذى ، وتصاوب وَلَدنا
🌿🌿🌿🌿
ونسوانا منها اشتكوا ، لما التجاهل هَدّنَا
وشُبَّانا يا حسرتي،عم يصرخوا بْرَدنا
🌿🌿🌿🌿
بدنا دفا ، بيكفي جفا عاديارنا رُدّنا
يمكن يكون السبب ، من كَثرة عددنا
🌿🌿🌿🌿
ويمكن لأنو عالنفس ، ما عدنا اعتمدنا
أو شي حسود ومفتري ، وبعينو حَسَدنا
🌿🌿🌿🌿
ماتفتكر قصدي المرض ، والدوا هَدْهَدْنا
صار المرض عادة، وعامشاكلو اعتدنا
🌿🌿🌿🌿
قصدي عيوب المجتمع واللي خّصُومُو عَدّنَا
النشَّال والنصَّاب، والخاين اللي ضِدنا
🌿🌿🌿🌿
وابن الحرام اللي سرق حَقنا مِن يَدنا
قصدي اللي خان ب عُرضنا واللي طِمع في وِدّنا
🌿🌿🌿🌿
واللي نسي مِلحاتنا وعن خُبز بيتو صَدنا
قصدي البخيل اللي اختفى من دربنا ومن حَدّنا
🌿🌿🌿🌿
بفعلو وقح لما ربح قال الدهر ، عاندّنا
قصدي اللي معنا بالوجه ، ولما منقفي نَدّنا
🌿🌿🌿🌿
لسانو شبه منشار ، بياكل ب حقدو خَدّنا
قصدي اللي ما عندو قرار، جَزْرُو بيبلع مَدّنا
🌿🌿🌿🌿
قصدي اللي تعاطى الحرام،وصوب المهالك شَدّنا
واللي زرع فينا الخِصام ، ومن وسخ زرعو حْصَدّنا
🌿🌿🌿🌿
واللي أباح الموبقات . وبسيف صارم قَدّنا
من هالجراثيم الخطر، وأمثالها ما بدنا
🌿🌿🌿🌿
بدنا النخي وكفو سخي والمُخلِص الرجَّال
بدنا التسامح ينتشر
ويفوق منسوب الخيال
🌿🌿🌿🌿
بدنا المحبة تسود وللحقد ما نفسح مجال
والصدق يبقى الرصيد
والتعامل بالحلال
🌿🌿🌿🌿
وتغمر القلب القناعة
والطمع يرحل بإذلال
والجار يعتبر جارو ،
نفسو ، بمطلق الاحوال
🌿🌿🌿🌿
والكراهية تنتحر وتغيب مع ريح الشمال
والكل نتعاون سوى ونتعايش بعدل وكمال
🌿🌿🌿🌿
وبغير هيك أمور ، ما منقدر نشوف الجمال
ما بيجمع قلوب البشر إلا المحبة والوصال
🌿🌿🌿🌿
يعني بصراحة واضحة نجيب العِبَر من جِدنا
نفاخر بقوة عزمنا
وما حدا بيطلع قدنا
🌿🌿🌿🌿
منقدر بإتحادنا ، نتسلق ونعبر جبال
ما بدنا يللي غدر ، نضحي لِأجلو ب كَدّنا .
🌿🌿🌿🌿🌿🌿
كلمات: الحاج خليل محمد غريب.
ليست هناك تعليقات:
إرسال تعليق