الشاعر صبرى عبد الواحد الحساني
**على كده انا اتربيت**
ماليناش على حد عيبه
ولا فى الضهر نقول
نصبر والبال نطول
ومسيرنا املنا ننول
فى الخير دايما بنمشى
ولسانا الحلو يقول
عمرنا ما كنا بوشين
ولا الكلام بينا منقول
الكلمه لو من اللسان تطلع
بكون عنها مسئول
فى السلم اكون حمامه
ووقت الغضب بكون غول
بالكلمه الحلوة تكسبنى
واللى تطلبه تنول
أنا عربى مصرى صعيدى
اجدادى هزموا المغول
دينى الاسلام وجدى
شريف عريق الأصول
ما ارضاش بالذل واصل
والحق لو على رقبتي اقول
أهل الكتاب أصحابى
وعن حقوقهم أنا مسئول
الدين لله والوطن
ما فيش حد عنه مشغول
أنا عربى مصرى صعيدى
هاشمى. عريق الأصول
ما ليش فى الملاوعه
لا احب اخزل ولا اكون مخزول
على كده انا اتربيت
غير الحق ما اعرفشى اقول
الطريق اللى امشى فيه
اكمله مهما يطول
ده طبعى وطبع اجدادى
اصبر واللى عايزه هنول
ليست هناك تعليقات:
إرسال تعليق