بصيت على النعش
وبقيت ادير الوش
ازاي بذنوبي اخش
وازاي اقابل رب كريم
ومغسل يقلب فيا
وكل الأحبه حوليا
وصوت وزعيق
وكن قامت حريق
وانا ف نعشي غريق
فين الأخ والزوجه والصديق
.فين خلاني والرفيق
انا ظالم ولا مظلوم
اكيد ظلمت نفسي
ف الفاضي كنت امشي
واكسل اتوضا واصلي
وادي القبر شويه بشويه بيضيق
وما حد بعد نبينا معصوم
وف العزا جلاليب صوف ومخططه
ودمعه مصنوعه مشقلطه
وضحكه وهمس وسهرايه
ما حد بيسمع للقرايه
ويانسون وقهوه ساده
وف الاربعين وزعو شعري
وكتبو على قبري
شاعر الغلابه المرحوم
النعش بقلمي عبدالله رجب ابوعدنان
ليست هناك تعليقات:
إرسال تعليق