قلم السيد بدر
كلنا داخل اللجان
والسؤال كان لينا واحد
للجميع كان السؤال
والسؤال مطروح وواحد
لانخوه فينا نرد
ولا فى شهامه نرد
الكل هس هس
ماجاوب فينا واحد
......
ماعندناش غيره
ونسينا أيه جيره
كلنا رضينا الإهانة
كلنا صحبة نداله
للأسف ماحد فينا
عنده جرأه للأجابه
رغم كترتنا وعددنا
رغم مكانتنا وعتادنا
كله هش وكله كش
خوفنا ننطق بالحقيقه
خوفنا ننطق الإجابة
...
آمه هم آمه غمه
امه عنوان لنداله
دورها جى فى الإباده
على كتفنا توب الفضيله
وحنا أهل للرزيله
وصحبه كنا كدابه
النهارده بكره بعده
جى دورنا ف الإباده
........
كنا شركا فى الجريمه
دورنا كدب ومش حقيقه
السكات لساه سكات
والسؤال لساه سؤال
زينا زى الكراسي
مهما عدى الوقت فات
لا فى رجا فيكم
ولانصر جاى بيكم
ده اختبار وللأسف
كله هش وكله قش
كله خرس وكله كش
مافيش رشيد فيكم
هيه دى كل الحكايه
.........
ليست هناك تعليقات:
إرسال تعليق