تلاثين يوم محسوبة أرقام
محسوبة هي فشهر
لعلكم تتقون فهاد ليام
وناخدو منها حكمة وعبر
الصوم راحةوشفا من سقام
يشفي العلة وشحال من ضرر
الصيام ماشي جوع الطعام
وفظهر الناس تاكل وتهضر
الجوع ماشي هو الصيام
وتنهب ارزق الناس عليه تفطر
شهر تنزل فيه الملائكة الكرام
وليلة ماتشبه الليالي ليلة القدر
ليلة عظيمة بالوقت والمقام
هي أميرة الليالي زينة هاد الشهر
الصيام ماشي شهر هو عالدوام
صيام شهوة وغض البصر
تكمل تلاثين يوم تكمل معاها حشمة واحترام
وتشوف هذا ينهش فظهر هذا
وهذا بالجرام يتغذى وهذا بالربا يفطر
الصلاة ماشي غير فالصيام
الصلاة ماشي سجد وختي الظهر
الصلاة خشوع وفعز الليل قيام
والقرآن شاهد فالفجر
عبد اللطيف ميصر 5 7 2023 بوزنيقة المغرب
ليست هناك تعليقات:
إرسال تعليق