بقلم السيد بدر
اللى يعرف واللى عارف عني إنتي
حد خدني فى حضنه غيرك
حد طبطب ولا سمى عليا غيرك
غيرك مايعرف يوم يجاوب
الإجابه أنتى لسؤالي
أى حاجه وكل حاجه
حلها فى أيديكى انتي
غيرك ما يعرف الحلول
غيرك ما يعرف الأجابه
الإجابه الصح إنتي
.......
إنتي اللى عاجنه واللى خابزه
واللى ليا إيديكي غزله
واللى ليا كنتي حاسبه وبيا حاسه
واللى كنتي م الهوى عليا خايفه
دنا لما بحلم كنتى ليا تحكى حلمي
قدام عنيا تفسريه
حد غيرك مافى غيرك
مهما كان بتبسطيه
..........
مافيش فرحه تعادل فرحتي بيكى
مافيش لا لحن ولاغنوه
لايعزفها ولايغنيها مره غيرك
كل المدن أمي
عطشانه ترويها جفت تخضرها
هواها كنتي والنسمه لعصاريها
بحر حب ونهر عطاء
لا ينضب ولا بيجف
للأرض كنتي الطيبه
وكنتي عوايدها الجميله
........
مافى غيرك
اللى يعرف ياما مالي وفيا إيه
إللى لما تبص ليا
من غير ما قول تحس بيا
من عيوني وتفهمى أنا فيا إيه
وقبل ما نطق
عارفه هانطق وحكي إيه
.........
جوايا شيفاني
حساني كشفاني
صفحه صفحه حفظاني
مشبكاني حرف حرف
شكلتيها غزلتي إسمي
كنت واخده من ملامحك الكتير
لون سمار شعرك
الضحكه وكنت طولك
وطبع حسن خدودك
كل حاجه ياما فيكي
كلهم لما يشوفوني
يحلفولي إني صوره ياما منك
وماسيبتش حاجه منك
..........
حتى طبعي قالو طبعك
وكل حاجه فيكي فيا
أيوه بفرح لما ليا يقولو فيا
حاجه حلوه وطبع فيكي
الحقيقه إنتى الحقيقه
مافيش حقيقه غيرك أنتى
كلهم مايعوضوني
أنا كل حوجتي واحتياجي
مالمحش منهم غيرك إنتي
........
هو مين فاهم سكاتي ياما غيرك
هو حد عليا طبطب
ولا حس بيا مين يامايا غيرك
الإجابه عندك إنتي
ولا حد يوم يجاوبني غيرك
اللى يعرف ياما مالى
مش هما انتي
.........
حد كان بيدادي غيرك
حد طيب خاطري غيرك
حد شال يوم همي غيرك
ليا كنتى بتسمعي
وكنتى صاحبه ياما ليا
وكان حنانك كله ليا
اللى يعرف مين ده غيرك
........
ياللى كنتي الدنيا ليا
ياللى كنتى مقوياني
ياللى بيكي متعافيه
وكنت بيكى متحاميه
طول ماجانبي مطمناني
ضحكتي اللى ماليا وشي
وكل حاجه مفرحاني
........
كنت طايره ياما بيكى
ومعاكي بلمس السما بإيدي
مكسوره بعدك مين ليا بعدك
يافرحتي اللى تايهه مني
واللى ضاعت مني فجأه
واللى بحلم ليا ترجع
واللى فاهمه مش هاترجع
ولا بإيديا ألمسها تانى
.....
حد غيرك صعب غيرك
اللى عاجنه واللى خابزه
إنتى ياما مافى غيرك
......
أمي ياإجابة سؤالى ...
صدقيني تايهه بعدك
لاعارفه حاجه ولا فاكره حاجه
من يوم بعادك مش عارفه مالى
حاسه اني مش كامله
وألف حاجه نقصاني
.....
مشتقالك محتجالك
عمري ما نسيتك
وكل مره مافى مره
إلا وبصيت للسما ورفعت أيدى
وبصوتي كررت الدعا
ليكى ياما ألف مره
.....
يوعدك بالجنه ياما
عاللى شوفتك بتشوفيه
وللى لينا بتعمليه
والوجع جواكي كاتمه
رايحه جايه
تلمي تشيلي وتحطى
كنا نبعتر والوحيده وكنتي لمه
هو ده وقتة تسيبيني
ولا وقته تقولى ماشيه ....
ليست هناك تعليقات:
إرسال تعليق